Осы сабақ барысында «Кірпі мен көртышқан» мәтіні арқылы тіл үйренеміз.
Бастауыш сыныпта әр сабақ – жаңа білімге бастайтын қызықты қадам. 2-сынып оқушылары №57 сабақта «Сөйлемдегі сөздердің байланысы» тақырыбын меңгеріп, «Кірпі мен көртышқан» мәтіні арқылы сөздердің сөйлемде қалай байланысатынын үйренеді.
Сөйлемдегі сөздер бір-бірімен сұрақ қою арқылы байланысады. Егер сөздер дұрыс байланыспаса, сөйлем де түсініксіз болады.
Мысалы:
Кірпі ін қазды.
Кім? – кірпі
Не істеді? – қазды
Нені? – ін
Осылайша оқушылар сөздерге сұрақ қою арқылы олардың байланысын оңай таба алады.
Бұл сабақта берілген «Кірпі мен көртышқан» мәтіні балалардың қызығушылығын арттырады. Кейіпкерлер арқылы оқушылар сөйлем құрауды, сөздердің орын тәртібін және өзара байланысын байқайды. Мәтінмен жұмыс жасау балалардың оқуға деген ынтасын күшейтеді.
26–29-жаттығулар оқушылардың алған білімін бекітуге бағытталған.
Бұл тапсырмаларда балалар:
- сөйлемдегі сөздерге сұрақ қояды;
- байланысқан сөздерді табады;
- сөйлемді толықтырады;
- өз ойынан сөйлем құрастырады.
Жаттығулар ойын элементтерімен берілгендіктен, оқушылар тапсырманы қызыға орындайды.
Қорыта айтар болсақ, бұл пән оқушылардың тілдік білімін жетілдіретін маңызды сабақтардың бірі болып табылады. Сөйлемдегі сөздердің байланысын меңгеру арқылы балалар сауатты сөйлеуге, дұрыс жазуға үйренеді. Яғни, сөздер байланысса — сөйлем мәнді, ой анық болады.
Кошикбаева Роза Бахрамовна,
«Ю.Гагарин атындағы №3 жалпы білім беретін мектеп» КММ бастауыш сынып мұғалімі.
Жетісай ауданы.
