16 желтоқсан – Қазақстан Республикасының Тәуелсіздік күні. Бұл күн – еліміздің тарихындағы ең маңызды күндердің бірі. Осы күні Қазақстан егеменді ел болып, өз тәуелсіздігін алды.
Тәуелсіздік – бұл біздің ең үлкен байлығымыз. Ол бізге еркін өмір сүруге, өз тілімізде сөйлеуге, өз мәдениетімізді сақтауға мүмкіндік береді. Біз тәуелсіздіктің алғашқы күндерінен бастап, елімізді дамытуға, халықтың әл-ауқатын жақсартуға күш-жігерімізді жұмсап келе жатқан азаматтармыз.
Президентіміз Қ.К.Тоқаевтың басшылығымен біз елімізді гүлдендіруге, халықаралық аренада өз орнымызды табуға көп жұмыстар атқарып жатырмыз. Елімізде экономика, білім, денсаулық сақтау, мәдениет және басқа да салаларда үлкен жетістіктерге жетіп жатырмыз. Біздің еліміз әлемдік қауымдастықта лайықты орын алып, халықаралық ұйымдармен белсенді ынтымақтастық орнатуда.
Тәуелсіздік – бұл біздің балаларымыздың жарқын болашағы. Оларға бізден кейінгі ұрпаққа елімізді аман-есен, гүлденген күйінде жеткізу – біздің басты міндетіміз. Біздің жастарымыз білімді, дарынды, патриот болып өсуде. Олар еліміздің болашағының келешегі.
Бүгінгі таңда біздің елімізде Тәуелсіздік күніне арналған көптеген іс-шаралар өткізілуде. Себебі бұл мереке баршамыздың ортақ мерекеміз. Сондықтан да оны бірге атап өтіп, еліміздің гүлдене беруіне үлес қосайық!
Абильдаева Айжан Болатовна,
«Аянат-сұлу» бөбекжай балабақшасы ЖШС-нің
«Бүлдіршін» тобының тәрбиешісі.
Ж. Ералиев ауылдық округі, Жетісай ауданы.
