Қазіргі білім беру жүйесінде оқушылардың логикалық ойлау қабілетін дамыту мен математикалық сауаттылығын арттыру маңызды міндеттердің бірі болып табылады. Осы бағытта 8 «Б» сыныбында «Квадрат теңсіздіктерді шешу» тақырыбында ашық сабақ өткізілді.
Сабақтың мақсаты – оқушыларға квадрат теңсіздіктерді интервалдар әдісі арқылы шешуді үйрету, шешімдерін сан осінде көрсету және аралықтар түрінде жаза білу дағдыларын қалыптастыру болды.
Сабақ барысында «Миға шабуыл», «Теңсіздік таймс», «Өзіңді сына!», «Дұрыс жол» әдістері тиімді қолданылды. Бұл тәсілдер оқушылардың белсенділігін арттырып, сыни ойлау қабілеттерін дамытуға ықпал етті. Сонымен қатар оқушылар жеке және жұптық жұмыстар орындап, есептерді талдау арқылы өз білімдерін бекітті.
Мысал ретінде x2−9≥0x^2 — 9 \geq 0x2−9≥0 квадрат теңсіздігі қарастырылып, интервалдар әдісі арқылы шешу жолдары түсіндірілді. Оқушылар сан осінде интервалдарды белгілеп, жауапты дұрыс жазуға машықтанды.
Сабақта ұлттық құндылықтарды дәріптеу мақсатында «Ұлттық мәдениет әлемі» әдісі қолданылып, ал «Асық сыбдыры» сергіту сәті оқушылардың көңіл-күйін көтерді.
Бекіту кезеңінде «Ғимарат әдісі» арқылы жұптық жұмыс ұйымдастырылып, оқушылар квадрат теңсіздіктерді шешу арқылы пирамида құрастырды. Сабақ барысында қалыптастырушы бағалау жүргізіліп, оқушылар мадақтау сөздері арқылы ынталандырылды.
Сабақ соңында «Шамшырақ» әдісі арқылы кері байланыс алынып, оқушылар өз ойларын білдірді.
Қорытындылай келе, квадрат теңсіздіктерді оқытуда тиімді әдіс-тәсілдерді қолдану оқушылардың пәнге қызығушылығын арттырып, логикалық ойлау қабілеттерін дамытуға мүмкіндік береді.
№10 “Қайнар” мектеп-гимназия” коммуналдық мемлекеттік мекемесі.
8 «Б» сыныбы
Математика пәні мұғалімі – Ниязбекова Ақмарал Ырысқызы
Жетісай ауданы
