1 мамыр – Қазақстан халқының бірлігі күніне орай мектепте мерекелік іс-шара ұйымдастырылды. Атаулы күнге арналған бұл шара елдегі татулық пен ынтымақты дәріптеуге бағытталды.
Іс-шараны ДТЖЖО Б. Асықбаев, аға-вожатый Д. Мурадова және педагог-ұйымдастырушы Қ. Аликулова бірлесе ұйымдастырды. Ұйымдастырушылар мерекенің мазмұнын байытып, оқушылардың қызығушылығын арттыруға ерекше мән берді.
Мерекелік бағдарламаның негізгі мақсаты – қазақ халқының бірлігі мен татулығын нығайту, еліміздегі түрлі ұлт өкілдері арасындағы өзара сыйластық пен түсіністікті арттыру болды. Сонымен қатар, қоғамдағы бейбітшілік пен келісімнің маңыздылығын ұғындыру, жас ұрпақтың бойында Отанға деген сүйіспеншілікті қалыптастыру көзделді.
Шара барысында қатысушылар достық, бірлік және ынтымақ тақырыптарын арқау еткен мазмұнды бөлімдерге куә болды. Бұл күн тағы бір мәрте еліміздегі тұрақтылық пен келісімнің басты құндылық екенін айқындады.
Осындай тәрбиелік мәні зор іс-шаралар жас ұрпақты адамгершілікке, бірлік пен ынтымаққа баулып, олардың елжанды азамат болып қалыптасуына ықпал етеді.
Б.АСЫҚБАЕВ,
№55 «Жеңістің 50 жылдығы» атындағы ЖББМ директорының тәрбие ісі жөніндегі орынбасары.
Жетісай ауданы.
