Түркістан облыстық білім басқармасына қарасты Жетісай ауданының №55 «Жеңістің 50 жылдығы» жалпы білім беретін мектеп коммуналдық мемлекеттік мекемесі 2025-2026 оқу жылындағы соңғы қоңырау, қорытынды аттестаттау, ҰБТ тапсыруда мына жағдайларды ескертеді:
Сыбайлас жемқорлыққа қарсы мәдениет қалыптастыру мақсатында мектеп қажеттіліктерін өтеу үшін бітіруші 4,9,11 сыныптардан ақша жинауға тыйым салынады.
Мектептің ішкі жөндеу жұмыстарына қажетті санитарлық-шаруашылық заттарды сатып алу мақсатында білім алушылардан ақша жинауға тыйым салынады.
Оқушыларды «Соңғы қоңырау» іс-шарасының өткізілу тәртібі мен қауіпсіздік талаптарын сақтау туралы нұсқаулықпен таныстыра отырып, ата-анасының немесе заңды өкілінің, тек біреуінің қатысуы кешенді қауіпсіздік шараларды қамтамасыз ететіндігін ескертеміз.
Педагогикалық этика және сыбайлас жемқорлықтың алдын-алу мақсатында мектеп әкімшілігіне және ұстаздарға кез келген түрдегі сыйлықтарды қабылдауға тыйым салынады.
Оқушылардың автокөлік шеруіне шығып, ойын-сауық алаңдары, мейрамханалар мен саябақтарға баруына тыйым салынатындығын ескертеміз.
Қорытынды аттестаттау кезінде әртүрлі мақсатта ата-аналардан қаражат жинап, мерекелік дастархан ұйымдастыруға тыйым салынады.
Құрметті ата-ана жоғарыда айтылған талаптарды назарға ала отырып, оқушылардың қауіпсіздігіне бей-жай қарамауларыңызды өтінеміз.
Сіздердің ұл-қыздарыңызға сапалы білім мен саналы тәрбие беру біз үшін абыройлы-міндет !!!
Құрметпен, Умиралиев Казыбек Абуталипович,
№55 «Жеңістің 50 жылдығы» ЖББМ КММ-нің директоры.
Жетісай ауданы.
