Ұлттық мұраны дәріптеу, ұлттық жырларды насихаттау, жас ұрпақтың бойына ата-баба аманатын сіңіру мақсатында ұйымдастырылған облыстық «Бабалар мұрасы – ұрпаққа ұлағат» байқауында мектебіміздің оқушылары жоғары нәтиже көрсетті.
Байқау қорытындысы бойынша:
* «Алпамыс батыр» жыры бойынша Нұрмұрат Нұраят ІІІ орын иеленіп, 200 000 теңгелік сертификатпен марапатталды.
* «Қобыланды батыр» жыры бойынша Бекова Паризат ІІІ орын алып, 200 000 теңгелік сертификатқа ие болды.
* «Батыр Баян» жыры бойынша Накипбек Жұлдызай ІІІ орын иеленіп, 200 000 теңгелік сертификатпен марапатталды.
Жүлдегер оқушыларымызды шын жүректен құттықтаймыз! Ұлттық құндылықтарды ұлықтап, қазақтың батырлық жырларын насихаттап жүрген талантты шәкірттеріміздің жетістігі – мектебіміздің мерейі. Алар асулары биік, жеңістері мол болсын!
Карлыгаш АЛДАБЕРГЕНОВА,
Ғ. Мұратбаев атындағы №61 ЖББМ қазақ тілі мен әдебиеті пән мұғалімі.
Жетісай ауданы.
