Бүгін – ұлағатты ұстаз, іскер басшы, парасатты жан Абеуова Гульназира Танатқанқызының 50 жас мерейтойы!
Жарты ғасыр – жай ғана сан емес. Бұл – тәжірибе мен табыстың, ізденіс пен ізгіліктің, еңбек пен жетістіктің жарқын белесі. Осындай мағыналы ғұмырын білім беру саласына арнап, саналы ұрпақ тәрбиелеу жолында аянбай еңбек етіп келе жатқан Гульназира Танатқанқызы – әріптестері үшін үлгі, шәкірттері үшін шамшырақ.
Ұстаздық жол – төзімділік пен мейірімділікті, білім мен парасатты қатар талап ететін қасиетті жол. Осы жолда талмай еңбек етіп, кәсіби шеберлігімен, ұйымдастырушылық қабілетімен, жаңашылдығымен дараланып келе жатқан Н.Төреқұлов атындағы жалпы білім беру ордасының жүрегі, ұжымының тірегі.
Ол осы білім ордасының басшысы ретінде әрбір істі жүйелі ұйымдастырып, білім ордасының дамуына зор үлес қосып келеді. Оның жетекшілігімен мектеп талай белестерді бағындырып, шәкірттері түрлі байқауларда топ жарып, ұстаздарды кәсіби жетістіктерге жеткізуде. Бұл – білікті басшының көрегендігі мен қажырлы еңбегінің айқын нәтижесі деп ойлаймыз.
Гульназира Абеуованың адами болмысы да ерекше. Жылы жүзі, кең пейілі, әріптеске қамқорлығы, шәкіртке деген мейірімі арқылы баршаның құрметіне бөленіп келеді. Оның әрбір сөзі – бағыт, әрбір ісі – өнеге.
Құрметті Гульназира Танатқанқызы!
Сізді мерейлі 50 жас мерейтойыңызбен шын жүректен құттықтаймыз!
Сізге зор денсаулық, ұзақ ғұмыр, отбасыңызға амандық, еңбегіңізге толағай табыс тілейміз. Әр күніңіз шуақты, әр ісіңіз сәтті болсын! Биік белестерді бағындырып, шәкірттеріңіздің алғысы мен ұжымның құрметіне бөлене беріңіз!
Мерейтойыңыз құтты болсын!
Құрметпен «Ұлағатты ұстаз.кз» порталының ұжымы.
